ISAIAH 19:4 - Lai (Hakha) Common Language Bible 2006

⁴ Izipt mi cu a puar ngaingaimi uktu siangpahrang kut chungah ka pek hna lai i a uk hna lai Bawipa Ralkapbu Bawipa nih hi bia cu ka chim,” a ti.

ISAIAH 19:4 ပူးပေါင်းရင်းမြစ်များ

SALM 31:8

Ka ral hna kut chungah na ka phakter lo, himte tu in na ka zohkhenh.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ISAIAH 20:3

Ashdod cu lak a si tikah Bawipa nih aa thawh i, “Ka sal Isaiah cu taklawng le kelawng in kum thum chung aa chawk. Hihi Izipt ram le Ethiopia ram cung i a tlung ding hmelchunhnak a si.

ISAIAH 20:4

Hi ram pahnih hna chung mi a tlaihmi sal hna cu Assiria siangpahrang nih taklawng in a kalpi hna lai. Tar thlu lo, no thlu loin, ke lawng le taklawng in an kal lai i an chiaṭha zong kha a lang lai; cuticun Izipt ram cungah ningzahnak a tlunter lai.

JEREMIAH 46:26

Annih cu anmah hrawh aa tim hrimhrimmi Babilon siangpahrang Nebukhadnezzar le a ralkap hna kut chungah ka chanh hna lai; Sihmanhsehlaw hmailei caan ah cun ram cu hlan bantukin mi an um ṭhan lai, tiah Ralkapbu Bawipa nih a ti.

EZEKIEL 29:19

Cucaah hihi Bawipa Pathian bia cu a si: Izipt ram cu Babilon siangpahrang Nebukhadnezzar ka pek lai. A chaw vialte kha a kalpi dih lai i a hrawh lai i a ramh lai i cu cun a ralkap cu lahkhah a pek hna lai.

EZEKIEL 30:12

Nail tivate hna cu hmun car ah ka ser hna lai i Izipt cu miṭhalo hna sinah ka zuarh lai; Ram le a chungah a ummi thil vialte cu ramdangmi kut in ka hrawh dih hna lai, tiah Bawipa nih ka ti.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

1 SAMUEL 23:7

Cun Saul kha, David cu Keilah ah a ra cang, tiah an chimh. Cun Saul nih, ‘Amah cu keimah kut chungah Pathian nih a ka pek cang; zeitintiah kutka le hrenhnak a ngeimi khua ah a luhnak thawngin, amah le amah aa hrenh khumh cang,” tiah a ti.