ISAIAH 19:23 - Lai (Hakha) Common Language Bible 2006

²³ Cu caan a phak tikah Izipt le Assiria kar ah lam nganpi pakhat a um lai. Hi ram pahnih hna mi cu an i tlawng an i kai lai i hi miphun pahnih hna cu hmunkhat ah Pathian an bia lai.

ISAIAH 19:23 ပူးပေါင်းရင်းမြစ်များ

SALM 87:4

“Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai,” a ti.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 19:24

Cu caan a phak tikah, Israel cu Izipt le Assiria he aa tluk in a um lai i hi miphun pathum hna hi vawleicung mi vialte caah thluachuahnak an si lai.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 49:11

“Tlang lakah cun lam nganpi pakhat ka ser lai i ka mi hna kalnak ding caah cun lam pakhat ka sial lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 62:10

Jerusalem khuami hna, i thawh u law nan mi a ra kir liomi hna caah lam va ser u. Lam nganpi pakhat in va ser u law lung vialte kha hlonh dih hna u.

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

MIKAH 7:12

Nan mi hna cu a kenkip in nan sinah an ra kir lai — nichuahlei ah Assiria in, thlanglei ah Izipt ram in, a hlatnak rili in le tlang kip in an ra kir lai.