ISAIAH 19:2 - Lai (Hakha) Common Language Bible 2006

² Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ISAIAH 19:2 ပူးပေါင်းရင်းမြစ်များ

1 SIANGPAHRANG 16:21

Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

2 CHANRELNAK 15:6

Phun khat le phun khat, khua khat le khua khat an i do i an kek an kuai dih, zeicahtiah Pathian nih harnak phun zakip in harnak a pek hna.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

ISAIAH 9:21

Manasseh mi hna le Efraim mi hna cu pakhat le pakhat an i do, cun an pahnih in Judah kha an doh fawn. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 46:12

Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 51:46

Ram chung i thawngpang nan theihmi kong ah nan lung dong hlah u law nan thin zong phang hlah u, Zeicahtiah kum khat ah thawngpang pakhat a um, cun a kum nolh ah thawngpang dang a um ṭhan, Ram chungah hnahnawhnak a um i uktu pakhat nih uktu dang pakhat kha a doh, tiin a um tawn.

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

ZEKHARIAH 8:10

Zeicahtiah cu caan tiangah cun mi kha an ṭuan man an pe hna lo i saram man zong kha pek an si fawn lo, ral an um caah ahohmanh an rian ṭuan awkah khan him tein an um kho lo, keimah nih pakhat le pakhat kha ka dohter hna.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

MATTHAI 10:36

nan ral ṭhalo bik hna cu nanmah innchungkhar chung mi lila an si lai.

MATTHAI 12:25

An lung chung i a ummi ruahnak cu Jesuh nih a hngalh caah annih cu, “Ram pakhat cu a chungah anmah le anmah aa domi bu an um ahcun cu ram cu saupi a hmun kho lai lo. Cun khua pakhatkhat zong a chungah anmah le anmah aa domi bu an um ahcun, a dir kho lai lo.

MATTHAI 24:7

Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.

MARKA 3:24

Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

BIACEIHTU 9:23

Cun Pathian nih Abimelek le Shekhem khuami hna karlak ah khan thlarau ṭhalo a thlah i Shekhem khuami nih khan Abimelek cu an rawi;

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.

1 SAMUEL 14:20

Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.