ISAIAH 19:18 - Lai (Hakha) Common Language Bible 2006

¹⁸ Cu caan a phak tikah Izipt ram khua panga ah Hebru holh kha hman a si lai. Cuka i a ummi hna nih Ralkapbu Bawipa min in chiat an ser lai. Cu khua hna lak i pakhat cu “Ni Khua” tiah ti a si lai.

ISAIAH 19:18 ပူးပေါင်းရင်းမြစ်များ

GENESIS 11:1

Hlanah cun vawleicung mi vialte hna nih hin holh phun khat lawng an rak ngei i bia an rak hmanmi cu an i khat dih.

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

SALM 68:31

Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 19:19

Cu caan a phak tikah Izipt ram chungah Bawipa ca biakṭheng pakhat a um lai i Izipt ramri ah lungphun pakhat cu Bawipa caah ser a si lai.

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

ZEFANIAH 3:9

Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an ṭuan lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.