ISAIAH 19:16 - Lai (Hakha) Common Language Bible 2006

¹⁶ Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 19:16 ပူးပေါင်းရင်းမြစ်များ

SALM 48:6

Ṭihnak le lungretheihnak nih a tlaih hna i nau nganfah a ingmi nu bantukin an um.

EXODUS 11:6

Hi hlanah a um bal lo i hmailei zongah a um bal lo ding aihramnak kha Izipt ram chung dihlak ah a tlung lai.

ISAIAH 10:32

Ral cu nihin hrimhrim ah hin Nob khua ah an um i Zion Tlang, Jerusalem khua cu an kuttum an thinhnawh len ko.

ISAIAH 11:15

Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

JEREMIAH 50:37

A rangtum hna le a rangleng hna le a chung i a ummi mizapi hna cungah khan aa thlai ko, annih cu nu bantuk an si lai; A chawhlawn cungah aa thlai ko, ramh an si dih lai;

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

OBADIAH 1:9

Teman ralkap hna cu an thin a phang lai i, Esau Tlang i a ummi ralkap vialte kha thah an si lai,” tiah Bawipa nih a ti.

NAHUM 3:13

Nan lak i a ummi ralkap hna cu nu bu men a si; Nan ram kutka hna cu nan ral hna hmaiah an i hung ko i An hrenhnak thingthluan hna kha mei nih a kangh dih hna.

ZEKHARIAH 10:11

Zufrates tiva cungah a fakmi harnak a tlung lai i a ṭhawngmi a ti kha a tuk hna lai; Nail tiva a thuknak vialte cu an kao dih lai. Assiria ruamkainak cu ṭhumh a si lai i Izipt bawifung cu a lo lai;

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

ZEKHARIAH 2:9

An cungah ka kut ka hler cang, annih cu an sal hna caah khan hranchaw an si lai.

1 KORIN 2:3

Cucaah nan sin i ka rat ah khan tla hnimhniamte le therphang lengmang in ka um i

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

HEBRU 10:31

Pathian nung kut chung i tlak cu thil ṭihnung ngaingai a si!