ISAIAH 19:14 - Lai (Hakha) Common Language Bible 2006

¹⁴ Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

ISAIAH 19:14 ပူးပေါင်းရင်းမြစ်များ

2 CHANRELNAK 18:22

Cucaah cun zohhmanh, Bawipa nih hi na profet hna kaa chungah hin nal thlarau a chiah cang; Bawipa nih nangmah kong ah ṭhat lonak a chim cang,” tiah a ti.

JOB 12:16

Amah sinah cun ṭhawnnak le fimnak kha a um, Hlenmi hna le hlengtu hna cu amah kut tang ummi an si.

JOB 12:25

Mei lakah cun ceunak um loin an i dap lengmang i zuri bantukin an vai.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ISAIAH 24:20

Vawlei cu zuri bangin a sawn lai i ṭotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho ṭhan ti lai lo.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 3:12

Tangka cawihtu pawl nih ka mi kha an hrem hna i thil cawihtu pawl nih an hlen hna. Ka mi hna, nan hruaitu pawl nih a pingah an in kalpi hna caah khuazei lei kal awk nan hngal lo.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

2 THESALON 2:11

Cucaah Pathian nih palhnak ṭhawnnak kha a thlahhnawh hna i ahmaan lomi thil kha an zumh.

BIACEIHTU 9:23

Cun Pathian nih Abimelek le Shekhem khuami hna karlak ah khan thlarau ṭhalo a thlah i Shekhem khuami nih khan Abimelek cu an rawi;