ISAIAH 19:1 - Lai (Hakha) Common Language Bible 2006

¹ Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 19:1 ပူးပေါင်းရင်းမြစ်များ

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 18:9

Van khi a run baoh i a rung ṭum, a ke tang i a ummi khuadawm nakpi he a rung ṭum.

SALM 68:4

Pathian cu hla in thangṭhat u, a min cu thangṭhat u; khuadawm aa citmi caah cun lam kha ser tuah u. Amah a min cu Bawipa a si — amah hmaiah cun i lawm tuah u!

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

ISAIAH 13:7

Mi cu ahopaoh an kut a thlep lai i an lung a dong lai.

ISAIAH 19:16

Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

JEREMIAH 25:19

cun hrai a ding hngatu ding cu hi hna hi an si: Izipt siangpahrang Faro, a bawi hna le a upa vialte hna;

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

EZEKIEL 30:13

Mah hihi Bawipa Pathian bia cu a si: Nof khua bawi hna le siangpahrang hna cu an donghnak ka phakter hna lai i Izipt ram chungah siangpahrang pakhat hmanh a chuak ṭhan ti lai lo. Khi tikah khi ram chungah ṭihnak kha ka chiah lai i

JOEL 3:19

Sihmanhsehlaw Izipt ram cu thetse ram ah a cang lai i Edom ram cu chuahtakmi ram, ram pakpalawng ah a cang lai; Zeicahtiah Judah ram kha hranhram loin an rak tuk i A chungah a sual lomi thisen kha an rak chuah hna.

NAHUM 1:1

Nineveh khua kong bia: Elkosh khuami Nahum nih langhnak a hmuhmi ṭialnak cauk.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

ZEKHARIAH 10:11

Zufrates tiva cungah a fakmi harnak a tlung lai i a ṭhawngmi a ti kha a tuk hna lai; Nail tiva a thuknak vialte cu an kao dih lai. Assiria ruamkainak cu ṭhumh a si lai i Izipt bawifung cu a lo lai;

ZEKHARIAH 14:18

Izipt ram chung i a ummi innchungkhar hna lakah a hung kal lo i khuapi chungah a lut lomi an um ahcun, puai tuah awkah a hung kal lomi miphun cungah Bawipa nih rawhralnak a tluntermi bantuk nih khan a tlunhnawh ve hna lai.

NAMBAR 33:4

Cu lioah cun Izipt mi hna cu annih lak i Bawipa nih a thahmi an fater hna kha an vui hna; an pathian hna cung zongah Bawipa nih biaceihnak a tuah.

DEUTERONOMI 33:26

“Maw Jeshurun, nangmah bawmh awkah van aa cit, Lianngannak in van aa citmi Pathian bantuk ahohmanh an um lo.

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 2:9

mi hna sinah cun, “Bawipa nih hi ram kha an pek cang hna i nanmah kan in ṭihnak hna nih khan a kan nenh i hi ram chung ummi vialte kha nan hmaiah an ther dih cang, ti kha ka hngalh.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.