ISAIAH 18:7 - Lai (Hakha) Common Language Bible 2006

⁷ Nail tiva thawhnak i a ummi ram sinin Ralkapbu Bawipa nih pekchanhmi thil a cohlan ni a phan lai; hi a ṭhawng i a liannganmi miphun, a sang i an cuar a nal in a nalmi hna, vawlei cung dihlak nih an ṭihmi hna sin hin laksawng a cohlan ni a phan lai. Annih cu Ralkapbu Bawipa biaknak hmun Zion Tlang ah khan an ra lai.

ISAIAH 18:7 ပူးပေါင်းရင်းမြစ်များ

2 CHANRELNAK 32:23

Cun mi tampi nih Bawipa sinah Jerusalem ah khan laksawng an rak put i Judah siangpahrang Hezekiah sinah khan thil man sung an rak put hna, cucaah cu caan thawk in hmailei ah cun miphun vialte hna mithmuh ah khan hlorh a si.

SALM 68:32

Vawleicung ram hna, Pathian cu hla in thangṭhat u, Bawipa cu thangṭhat ko u.

ISAIAH 16:1

Thetse ram i a ummi khua Sela khua in Moab mi nih, Jerusalem khua i bawi a simi sinah laksawng caah tuufa pakhat an kuat.

ISAIAH 18:2

Cuka ram cun lamkaltu hna kha Nail tiva cungin phaikung in sermi tilawng in an rung. A khul a rangmi lamkaltu hna, inn ah kir ṭhan u. Nan ram ah bia kha hei kirpi ṭhan u. Nail tiva thawhnak i a ummi nan ram ah cun hei kirpi ṭhan u; a ṭhawng i a lian a nganmi nan phun, a sang i a cuar a nal in a nalmi nan miphun, vawlei cung dihlak ah ṭih a simi sinah cun hei kirpi ṭhan u.

ISAIAH 18:4

Bawipa nih a ka thawh i, “Rawlṭuan caan khualum ah daite in dap cu aa ser i chun laicer ah ni cu dawh ngaiin a tlan bantukin, vancung khin ka run in zoh hna lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

HABAKKUK 1:7

Miṭihnung ngaingai an si, anmah nawl hleiah cun aho nawl hmanh an duh lo.

ZEFANIAH 3:10

Ethiopia tiva hna ralchan i aa ṭhekmi hna lakin ka sinah zaangfahnak hal in thla a cammi hna nih khan, ka sinah an laksawng kha an rak ka put lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.