ISAIAH 17:14 - Lai (Hakha) Common Language Bible 2006

¹⁴ Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

ISAIAH 17:14 ပူးပေါင်းရင်းမြစ်များ

2 SIANGPAHRANG 19:3

Annih nih amah cu, “Hi bangin Hezekiah nih, ‘Nihin cu lung retheihnak le nehsawhnak le ningzahnak ni a si. Fa cu an chuah caan a tling cang nain, hrinnak caah thazang a um lo.

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

JOB 20:29

Mah hihi miṭhalo nih Pathian sinin a hmuhmi covo cu a si, amah ca i ro a ruahpiakmi cu a si,” tiah a ti.

SALM 37:36

sihmanhsehlaw tlawmpal ah khin cuka ah cun ka va kal ṭhan i cu pa cu a rak um ti lo; ka kawl len nain ka hmu kho ti lo.

PHUNGTHLÛKBIA 22:23

Zeicahtiah annih cu Bawipa nih a dirpi hna lai i anmah an nunnak ca i a simi an thilri a lakpiaktu hna kha an thilri a chuh ve hna lai.

ISAIAH 10:25

Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

ISAIAH 21:12

Kei nih ka leh i, “Khua cu a dei deng, sihmanhsehlaw zan kha a ra ṭhan lai. Hal na ka duh ahcun, ra law rak ka hal ṭhan te,” ka ti.

ISAIAH 29:2

cun “Pathian biakṭheng” timi khua ah cun Pathian nih harnak a tlunter lai. Ṭahnak le aihramnak a um lai i a khua hrimhrim kha raithawinak an khanghnak biakṭheng ah a cang lai.

ISAIAH 29:5

Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

ISAIAH 29:7

cun Pathian biakṭheng khua a tutu ralkap vialte hna kha, an hriam le an nam vialte he an zeizong tein, mang bantukin an lo lai, zanmang bantukin an lo lai.

ISAIAH 30:28

Zeizong vialte a fenh dihtu ti lian bantukin thlitu kha a hmaiah a kalter. Miphun tampi kha a hrawh hna i a ṭha lomi an khuakhannak kha pakpalawng ah a canter.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 33:18

Ramdang in a rami ngunkhuai khawltu hna le mingiatu hna na rak ṭihmi hna kha, na lung chung i na ruahmi thil men ah an cang lai.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

ISAIAH 41:12

nanmah cungah raldohnak a tuahmi cu vawlei in an lo lai.

JEREMIAH 13:25

Nannih nih keimah kha nan ka hlawt i pathian deu kha nan i bochan hna caah Mah hihi nan covo, ral thawh hmangmi hna covo, Keimah nih kan tahpiakmi hna cu a si, tiah Bawipa nih a ti.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

JEREMIAH 49:10

Sihmanhsehlaw Esau cu a takfangkarao in ka chiah, Aa thuhnak hmun kha ka hun hna i thuhnak hmun khuazeihmanh ah a ngei ti lo. A fale hna le a unau hna le a innpa hna kha hrawh an si i Amah bawmtu ahohmanh an um ti lo.

EZEKIEL 39:10

Lo in siseh, tu chungin siseh, mei tih awk thing cu an la hna lai lo i an phor hna lai lo, hi hriamnam hna tu hi thing tih awk caah cun an hman hna lai. Cuticun anmah a rak ramhtu hna kha an ramh ve hna lai i hranchaw ah a rak sertu hna kha hranchaw ah an ser ve hna lai. Hihi Bawipa Pathian bia hrimhrim a si.

ZEKHARIAH 2:12

Khi tikah nannih nih keimah cu ralkapbu Bawipa nih a ka thlah ti kha nan hngalh lai. Ram thiang chungah Judah cu Bawipa nih amah ta si awkah a lak ṭhan lai i Jerusalem cu aa thimmi a khuapi ah a ser ṭhan lai.

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.