ISAIAH 17:10 - Lai (Hakha) Common Language Bible 2006

¹⁰ Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

ISAIAH 17:10 ပူးပေါင်းရင်းမြစ်များ

1 CHANRELNAK 16:35

“Maw kan khamhnak Pathian kan chanh law Miphun hna chungin kan pum law kan khamh tuah, Zeitintiah na min thiang cu kan lawmh i Na thangṭhatnak cu kan i chawr nakhnga

SALM 106:13

Sihmanhsehlaw a tuahmi kha an philh ṭhan zau i amah ruahnak hal hmasa loin rian an ṭuan:

SALM 106:21

Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 31:2

Ka thlacamnak cu ka theihpiak law ka khamh ko sawh; ka himnak lungpi si law ka khamhnak ding caah a fekmi ralhau si ko.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 79:9

Na min upatnak ding caah kan bawm tuah, Maw Pathian kan Khamhtu; kan chuah law kan sualnak cu kan ngaithiam ko.

SALM 85:4

Maw Pathian, kan Khamhtu, kan kirpi ṭhan law kan cungah lungsi loin um ti hlah.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 17:9

Cu ni a phak tikah cun ralhau in kulhmi khua hna kha an zamtak hna lai i an rawk dih lai; Israel mi nih an rak dawi hna tikah Hiv mi le Amor mi nih an rak zamtakmi hna khua bantuk kha an si lai.

ISAIAH 18:5

Mitsur thei lawh an si hlan, a par an ṭilh dih i a thei an hmin cuahmah lioah khin, nam in mitsur nge cu pheh an si bantuk khin, ral nih Ethiopia mi kha an hrawh hna lai.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 26:4

Bawipa kha i bochan zungzal ko u, amah nih an huhphenh zungzal hna lai.

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 62:11

“Jerusalem khuami cu chim hna u law, Bawipa nan khamhtu cu a ra lio i a tlanhmi a mi kha a rak i ratpi hna, tiah vawleicung dihlak ah Bawipa nih a thanh i cucu miphun vialte nih an hngalh nakhnga hmelchunhnak pakhat in tar tuah u,” a ti tiah va ti hna u.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

JOEL 1:17

Vawlei car ah cun thlaici cu an thi, Khon awk rawl zeihmanh a um lo; Cucaah buk cu an lawng i rawl khonnak inn cu an rawk.

LEVITIKAS 26:16

kei zong nih mah hihi nan cungah ka tuah ve lai: Nan cungah khulrang ṭihnung, tlumralnak le, mit a hrawktu le nunnak a zorter thluahmahtu ngornak ka tlunter lai. Cun nan thlaici thlakmi cu pakpalawng a si ko lai, zeitintiah nan ral hna nih an ei lai;

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

HABAKKUK 3:18

Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai.

ZEFANIAH 1:13

An chawva vialte kha ramhpiak an si lai i an inn cu hrawhpiak an si lai; Inn cu an sak hna lai, sihmanhsehlaw an umnak hna lai lo, Mitsur dum cu an ser hna lai, sihmanhsehlaw mitsur hang cu an ding lai lo.

DEUTERONOMI 28:30

Nupi nan ham lai i midang nih an ihpi lai; inn nan sak lai i nan umnak lai lo; mitsur dum nan ser lai i a theitlai cu nan ei lai lo.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 32:18

An hringtu Lungpi kha na ruat lo i An sortu Pathian kha na philh.

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.