ISAIAH 16:6 - Lai (Hakha) Common Language Bible 2006

⁶ Judah mi nih an i thawh i, “Moab mi cu miporhlaw ngaingai an si kha kan theih. Miruamkai, mizum an si kha kan hngalh, sihmanhsehlaw an tluangkhawnnak cu pakpalawng an si,” an ti.

ISAIAH 16:6 ပူးပေါင်းရင်းမြစ်များ

PHUNGTHLÛKBIA 21:24

Aa porhlaw i a ruam a kai i ninghngal in mi zei ah a rel lomi cu a min ah “Nihsawhtu” ti a si.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 25:11

Ti aa liomi nih ti an i lio tikah an kut an samh bantuk khin annih zong nih an kut an samh ve lai, sihmanhsehlaw an ke an chaih fate an i porhlawtnak nih khan an kut cu tanglei ah a hnuh lengmang hna lai.

ISAIAH 28:15

Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

ISAIAH 28:18

Thihnak he hnatlak ṭinak nan tuahmi cu hloh a si lai i mithi khua he biakamnak nan tuahmi cu hrawh a si lai. Harnak a tlun tikah nan dir kho lai lo.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

JEREMIAH 48:42

Khi tikah Moab cu hrawh a si lai i miphun a si ti lai lo, Zeicahtiah Bawipa kha zei ah a rel lo.

JEREMIAH 50:36

Nal profet hna cungah vainam aa thlai ko, annih cu mihrut an si cang; A ralkap hna cungah aa thlai ko, annih cu an lung a dong cang;

AMOS 2:1

Hihi Bawipa bia an si: Moab nih ṭhat lonak pakhat hnu pakhat a tuah lengmang caah A cung i dantatnak ka tlunter ding kha ka let lai lo. Annih nih Edom siangpahrang ruh kha vutcam ah cang lakin an khangh.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.