ISAIAH 16:5 - Lai (Hakha) Common Language Bible 2006

⁵ Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 16:5 ပူးပေါင်းရင်းမြစ်များ

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

2 CHANRELNAK 31:20

Cuticun Judah ram chung dihlak ah Hezekiah nih a tuah i Bawipa a Pathian hmai i a ṭha le a dik le zumhtlak a simi kha a tuah.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

PHUNGTHLÛKBIA 20:28

Zumhawktlak sinak le zumhnak ṭha nih siangpahrang cu a kilven i a bawi ṭhutdan cu dinnak nih a dirter.

PHUNGTHLÛKBIA 29:14

Siangpahrang nih misifak hna bia zong kha ruannak in a ceih ahcun a bawi ṭhutdan cu zungzal in a hmun lai.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.