ISAIAH 16:10 - Lai (Hakha) Common Language Bible 2006

¹⁰ Rawl tampi a rak chuahnak lo ah khan atu cu ahohmanh aa lawmmi an um lo. Mitsur dum chungah khan a aumi siseh, hla a sami siseh, ahohmanh an um lo. Ahohmanh zu ser awkah mitsur thei a nengmi an um lo, lunglawmhnak au thawng kha a dong cang.

ISAIAH 16:10 ပူးပေါင်းရင်းမြစ်များ

JOB 24:11

Miṭhalo mi hna oliv kung tlar lakah khan oliv chiti an sur, Mitsur cu an nen, sihmanhsehlaw an ti a hal.

ISAIAH 24:11

Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang.

ISAIAH 32:10

Atu ah cun hnangam in nan um, sihmanhsehlaw kumvoi atu tikah hin cun lungdong in nan um lai, zeicahtiah mitsur thei lawh awk zeihmanh nan ngei lai lo.

JEREMIAH 48:33

Thei tampi a tlai tawnmi Moab ram khan Lunglawmhnak le thanuamnak kha lak an si cang; Mitsur hang nennak hmun in mitsur hang cu ka donghter cang; Lawmhnak aw thawng he a neng tawnmi kha an um ti lo, Lawmhnak au thawng zeihmanh a leng ti lo.

JOEL 1:12

Mitsur lawh caan cu ruahchan awk a um lo, Theipi cu an uai cang; Taleti siseh, ung kung siseh, epal siseh — theikung vialte kha an car dih cang. Mi an lunglawmhnak zong kha a car cang.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

AMOS 5:17

Mitsur dum chung kip ah khan ṭahnak a um lai; Zeicahtiah nan lakah kaa chawk lai, tiah Bawipa nih a ti.

AMOS 9:13

Hi bangin Bawipa nih a ti: “Lei thuangtu nih rawl ṭuantu a zulh colh le Mitsur hang a nengtu nih a ci a tuhtu a zulh colh caan kha a ra lio. Tlang cung khan mitsur hang thar an luang thluahmah lai i Tlang kip cu rawl kung in an i hnin dulmal lai.

ZEFANIAH 1:13

An chawva vialte kha ramhpiak an si lai i an inn cu hrawhpiak an si lai; Inn cu an sak hna lai, sihmanhsehlaw an umnak hna lai lo, Mitsur dum cu an ser hna lai, sihmanhsehlaw mitsur hang cu an ding lai lo.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.