ISAIAH 15:5 - Lai (Hakha) Common Language Bible 2006

⁵ Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 15:5 ပူးပေါင်းရင်းမြစ်များ

GENESIS 13:10

Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.)

GENESIS 14:2

siangpahrang a dang panga kha an doh hna, cu hna cu: Sodom siangpahrang Bera, Gomorrah siangpahrang Birsha, Admah siangpahrang Shinab, Zeboiim siangpahrang Shemeber le Bela siangpahrang an si (Bela cu Zoar a si).

GENESIS 19:22

I hnawh! A tlik in tli! Khika na phak hlanah cun zeihmanh ka tuah kho lo,” a ti. Lot nih khan cu khua cu khua hmete a ti caah a min ah Zoar sak a si.

2 SAMUEL 15:23

Cun mi vialte an lanh cuahmah caah ram vialte cu fak piin a ṭap, siangpahrang nih Kidron tivarek kha a tan i mi vialte cu ramlak leiah khan an lan.

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

ISAIAH 16:14

Cun atu cu aa thawh i, “Kum thum chung hrimhrim ah Moab rumnak cu a lo dih lai. A mi tampi hna chung khan tlawmte lawng an tang lai i cu hna cu a der a thawmmi an si lai,” a ti.)

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

JEREMIAH 48:3

Horanaim in nganfah ainak thawng cu ngai hmanh: ‘Ṭiaonak le rawknak nganpi!’ an ti.

JEREMIAH 48:5

Luhith i hung kainak ah khan mi cu ṭah buin an kai; Horanaim i vung ṭumnak ah khan. ‘Rawknak,’ ti thawng kha an theih.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

NAMBAR 21:29

Maw Moab, ngaihchiat awk na va si dah! Maw Khemosh biami hna, nannih cu nan lo cang ai! A fapa hna cu ralzam ah a ser hna i, A fanu hna cu Amor mi siangpahrang Sihon sinah cun sal ah a ser hna.