ISAIAH 15:3 - Lai (Hakha) Common Language Bible 2006

³ Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

ISAIAH 15:3 ပူးပေါင်းရင်းမြစ်များ

2 SAMUEL 3:31

Cun David nih Joab le a sin i a ummi vialte kha a thawh hna i, “Nan puan kha thlek hna u law, buri kha i aih u law, Abner kha ngai tuah u,” tiah a ti hna. Cun Siangpahrang David nih ruakkuang kha a zulh.

2 SIANGPAHRANG 6:30

Siangpahrang nih minu bia kha a theih tikah a puan kha a thleh hna — ralhau cung i a kal lio a si — cun mizapi nih khan an zoh i, zohhmanh a pum cungah buri puan kha aa nawh ko.

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

ISAIAH 22:4

Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 48:37

Annih nih an dihlak in an lu an i kawngh i an khahmul an i meh i an kut an i at i an tai ah buri an i venh.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

DEUTERONOMI 22:8

“Inn thar nan sak tikah nan inncung cu tlakdawn in nan kulh lai, cuka cun mi an tlak sual i nan inn cungah thisen chuah mawhnak cu nan tlunter sual nakhnga lo.

JEIM 5:1

Nannih mirum hna, ka bia hi ngai tuah u. Nan cung i harnak a tlung ding ruangah hin ṭap u law ai len tuah u.

1 SAMUEL 5:12

A thi lomi cu an bo dih i khua chung aunak thawng cu van tiang a kai.