ISAIAH 14:5 - Lai (Hakha) Common Language Bible 2006

⁵ Midang rial chih a hmangmi le an teimi hna hrem a hmangmi uktu ṭhalo hna

ISAIAH 14:5 ပူးပေါင်းရင်းမြစ်များ

SALM 125:3

Pathian mi hna ram cu miṭhalo nih an uk zungzal lai lo, an uk ahcun, Pathian mi hna hrimhrim hmanh nih khan, ṭhat lonak an tuah sual hnga.

PHUNGTHLÛKBIA 28:15

Uktu ṭhalo cu misifak hna caah, a rawl a ṭammi chiandeih le a ti a halmi vom bantuk a si.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ISAIAH 14:4

Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang ṭhalopa cu a ril cang! Ahohmanh a hrem ṭhan kho ti hna lai lo.

ISAIAH 14:6

an ṭhawnnak cu Bawipa nih a donghter cang.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

HABAKKUK 1:17

Cu bantuk cun mi nih vainam kha an i phawi zungzal ko i Zaangfahnak um loin miphun kha an sam lengmang ko hna.