ISAIAH 14:4 - Lai (Hakha) Common Language Bible 2006

⁴ Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang ṭhalopa cu a ril cang! Ahohmanh a hrem ṭhan kho ti hna lai lo.

ISAIAH 14:4 ပူးပေါင်းရင်းမြစ်များ

2 CHANRELNAK 36:18

Cun Pathian inn chung i a ummi umkheng vialte, a hme a ngan in, cun Bawipa inn rothil hna le siangpahrang le a bawi pawl rothil vialte hna cu an dihlak in Babilon ah an kalpi hna.

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 14:17

Amah hi khualipi vialte a hrawk dihtu le vawlei cu thetse ram i a canter dihtu kha a si lo maw? A tlaih ciami sal hna cu a thlah bal ti lo i inn ah a kirter ti lotu kha a si lo maw?” an in ti lai.

ISAIAH 14:5

Midang rial chih a hmangmi le an teimi hna hrem a hmangmi uktu ṭhalo hna

ISAIAH 14:6

an ṭhawnnak cu Bawipa nih a donghter cang.

ISAIAH 16:4

Nan ram chungah kan umter u law, kanmah hrawh a kan duhtu hna sin khan kan huppheng ko u,” an ti hna. (Hremnak le rawhralnak kha a dong lai i ram a hrawktu kha an um ti lai lo,

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 51:23

Kha zu kha nanmah an hremtu hna, lamkalai ah an bawhter hna i an ke in leidip bantukin an lamtu hna kha, ka pek hna lai,” tiah an ti hna.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 48:17

Amah cu ṭah tuah u, nannih a pawngkam i a ummi vialte hna, amah minthannak a hngalmi hna; nannih nih, “Aize, ralbawi fung cu a kiak ai cang, upatnak fung cu a kiak ai!” ti u.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

HABAKKUK 2:17

Lebanon tupi kha nan ṭhiam hna, atu cu nanmah zong ṭhiam na si ve lai. A chung saram kha nan thah hna, atu cu saram nih khan nan thin an in phanter hna lai; Lainawnnak nan tuahmi ruang le vawleicung mi hna le a khualipi hna cung i zaang-ennak nan tuahmi ruangah, hihi cu nan cungah a tlung lai.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

BIAPHUAN 18:16

“Khua lianngan kha zeitluk in dah ṭih a nun cang. Zeitluk in dah mi tuksapur a si cang. Puan hmangṭhia le puan sen le maimaw in a rak i thuam tawn i sui hlawn le lung mansung le rili lungvar in a rak i ṭamh tawn.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!