ISAIAH 14:30 - Lai (Hakha) Common Language Bible 2006

³⁰ Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangṭam a tlunter lai i pakhat hmanh cu mangṭam nih cun a nung in an zuahmi hna nan um lai lo.

ISAIAH 14:30 ပူးပေါင်းရင်းမြစ်များ

JOB 18:13

Zawtnak ṭha lo nih a pum cu a zual dih i a kutke hna cu an thu dih.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

ISAIAH 37:30

Cun Isaiah nih khan Siangpahrang Hezekiah cu a thawh i, “Hmailei ah a tlung dingmi thil hmelchunhnak cu hihi a si lai. Tukum le kumvoi cu rawl a hlih nan i rinh lai, sihmanhsehlaw a kum thumnak ah cun anmahte in a khomi rawl lawng kha nan ei lai, sihmanhsehlaw cu kum a hun changtu kum ah cun rawl kha nan cin khawh lai i nan zun khawh lai, mitsur ruang kha nan zun khawh lai, mitsur ruang kha nan phun khawh hna lai i an thei kha nan ei khawh hna lai.

ISAIAH 5:17

Khuapi an rawhnak hmun ah cun tuufa nih ram an ṭam lai i meheh fa nih ram no an ei lai.

ISAIAH 51:19

Vanchiatnak thuah hnih nih an in tlak phuat; na ram cu raldohnak nih a hrawh cikcek i na mi cu rawl loin an um. Ahohmanh zaangfahtu na ngei lo.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.