ISAIAH 14:12 - Lai (Hakha) Common Language Bible 2006

¹² Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ISAIAH 14:12 ပူးပေါင်းရင်းမြစ်များ

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

JEREMIAH 50:23

Zeitindah vawlei pumpi a rak dengtu sobul kha aa cheu i a kuai dih cikcek kha zohhmanh u, Zeitindah Babilon cu miphun hna lakah tuksapur ah a can ee!

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

ṬAHNAK HLA 2:1

Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

EZEKIEL 26:17

Cun khi tikah hi mithi hla hi an in lawh lai: Maw khuapi minthang, Zeitindah na rawh dih ee, zeitindah rili cungin phiah na si ee! Nangmah le na chungah a ummi vialte hna, Nan ṭhawnnak cu rili chung i aa chiahmi hna, Nan ṭihnunnak ram chung i a khahtertu hna, Zeitindah nan rawh dih kun ee!

OBADIAH 1:4

Na umnak cu muvanlai bu tlukin sang in, na bu cu arfi hna lakah khin si ko hmanh seh law, Khika khin kaan ṭhumh ṭhiamṭhiam ko lai,” tiah Bawipa nih a ti.

LUKA 10:18

Jesuh nih a leh hna i, “Satan kha van in nimtlau bantukin a tlak kha ka hmuh.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIAPHUAN 8:10

Vancungmi pathumnak nih khan a muko cu a vun tum, meifar alh bantuk a simi arfi nganpi pakhat cu van in, tiva cheu thum cheu khat le cerh cheu thum cheu khat cungah, a rung tla.

BIAPHUAN 9:1

Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.