ISAIAH 13:8 - Lai (Hakha) Common Language Bible 2006

⁸ An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i ṭih lai i an hmai thi khal a chuak ciocio lai.

ISAIAH 13:8 ပူးပေါင်းရင်းမြစ်များ

2 SIANGPAHRANG 19:26

an chungah a ummi minung hna cu zeihmanh tuah kho loin khuaruahhar le vansang au in an um. Lo chung ramkung le inncung khomi belh bantuk, an ṭhan hlan i nichuahlei thli nih a cartermi hna bantuk an si.

SALM 48:7

Pathian nih nichuahlei thli in lawng ngan pipi kha a hrawh hna.

ISAIAH 26:17

Nau ngan a fakmi nu nih a ai bantukin, nangmah nih na kan aiter, Bawipa,

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 30:6

I hal u law ruat tuah hmanh u! Pa nih fa a hring kho maw? A si kun ahcun, zeicahdah pa nih nu naunganfah ing bangin an paw lawng an i domh ko kun? Zeicahdah rau diakduak in an um dih?

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

JEREMIAH 49:24

Damaskas cu a lung a dong cang i a zam; A thin a phang, a therh i nau nganfah nih a tlaih cang.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

EZEKIEL 20:47

Thawh law, ‘Bawipa bia hi ngai tuah, Bawipa bia cu hihi a si: Mei in kan duah lai i thing vialte kha a hring he a ro he an kangh dih hna lai. A meizik kha a mit lai lo i Negeb in a chaklei paohpaoh ah khan hmai vialte cu a kangh dih hna lai.

HOSEA 13:13

Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

JOEL 2:6

An hmaiah cun miphun kha a ther in an ther i an hmai kha a daang dih.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

JOHAN 16:21

Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.