ISAIAH 13:7 - Lai (Hakha) Common Language Bible 2006

⁷ Mi cu ahopaoh an kut a thlep lai i an lung a dong lai.

ISAIAH 13:7 ပူးပေါင်းရင်းမြစ်များ

SALM 58:7

Tlang pang i a luangmi ti a loh bantukin lo hna seh, lam i lamh chihmi belh bantukin lo hna seh.

EXODUS 15:15

Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 37:27

Cuka i a ummi hna cu zeihmanh an tuah kho lo. An thin a phang i an lung a caw. Lo chung i a khomi ram si hna seh, inncung i a khomi belh si hna seh, nichuahlei thli lin nih a hranh tik hna i an uai an car bantuk khi annih zong cu an si ve.

ISAIAH 51:20

Lam ṭeka kip ah na mi hna cu an der tuk caah an ril; annih cu rap nih a foihmi sa bantuk an si. Pathian thinhunnak a ṭhawnnak cu an hngalh cang.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

EZEKIEL 21:12

“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi ṭi.

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

EZEKIEL 7:17

an kut cu a thlep lai i an khuk ah an zun a luang lai.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

NAHUM 2:11

Khuazei ah dah atu cu chiandeih kua kha a um? Chiandeih fa an bawhnak lungkua kha khuazei ah dah a um? Chiandeih a pa le a pi le an fale rual, ṭihnak zeihmanh ngei loin an i chawh thluaimai tawnnak hmun kha khuazei ah dah a um?

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.