ISAIAH 13:20 - Lai (Hakha) Common Language Bible 2006

²⁰ Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

ISAIAH 13:20 ပူးပေါင်းရင်းမြစ်များ

2 CHANRELNAK 17:11

Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng thong sarih za sarih le mehehtum thong sarih le za sarih an rak pek.

JOB 3:7

Kha zan kha zan ṭhing si ko seh; Lawmhnak thawng zeihmanh leng hlah seh.

SOLOMON HLA 1:7

Hei ka chim law lungkil ka tum aw, Khoi zawn ah maw na tuurun na tlonter hna, Ni lin chun zawn ah cun thingdem tang khoi ah zau hna maw? Zei ah dah maw na val hawi mi tuurun hna kiangah, Nang kawl in ka vaih len ko tawn hnga.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 50:13

Bawipa thinhunnak ruangah Babilon ah cun ahohmanh an um lai lo, A ṭiao dih cikcekmi hmun a si ko lai; A pawng i a kalmi paoh cu an tuksa a purh hna lai i a cung i a tlungmi ruangah an khuaruah a har lai.

JEREMIAH 50:21

Merathaim ram cu do u; Cu ram le Pekod i ummi hna cu do hna u; Vainam in that dih hna u law hrawk cikcek hna u, Keimah nih kan fialmi hna paoh kha tuah dih u, tiah Bawipa nih a ti.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 50:39

Cucaah Babilon cu cenghngia le sa-ui umnak hmun ah a cang lai i ramcar chimbu khuasaknak hmun ah a cang lai; minung umnak hmun cu a si bal ti lai lo i ahohmanh nih an hlumh lomi hmun a si thluangthluan lai.

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

JEREMIAH 51:29

Babilon cu ṭiaotakmi hmun le mi um lonak hmun siter awkah Bawipa nih Babilon kong i aa tinhmi kha a tlin cang caah Vawlei cu a ther i aa hnin.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

JEREMIAH 51:43

A khuapi hna cu hmun rocar ah an cang cang, Hmun car le thetse ram an si cang, Ahohmanh um lonak ram, minung fa ahohmanh nih an pal lomi ram a si cang.