ISAIAH 13:13 - Lai (Hakha) Common Language Bible 2006

¹³ Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 13:13 ပူးပေါင်းရင်းမြစ်များ

JOB 9:6

Vawlei cu a umnak hmun khan a hninh i a tung hna cu an i hnin;

SALM 18:7

Cun Pathian cu a thin a hun caah vawlei cu aa hnin i a ther; tlang hram hna cu an i hnin i an i sai dih.

SALM 88:16

Ṭih a nungmi na thinhunnak nih khan a ka khuh i na mi tuknak nih khan holh kho loin a ka tuah;

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 23:11

Bawipa nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang.

ISAIAH 24:1

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai.

ISAIAH 24:18

Thil ṭihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai.

ISAIAH 24:19

Vawlei cu a kak a kuai lai i aa cheu lai.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 51:6

Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

JEREMIAH 51:1

Hi bangin Bawipa nih a ti: Zohhmanh, Babilon khua le Khaldi ram i a ummi hna ralchanhtu dingah hrawktu thlichia ka thawhter lai,

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

JOEL 3:16

Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.