ISAIAH 11:3 - Lai (Hakha) Common Language Bible 2006

³ Cun Bawipa rian ṭuan kha aa lawmhnak a si lai. Leng lang men le mi chim chin bia men in bia a khiak lai lo;

ISAIAH 11:3 ပူးပေါင်းရင်းမြစ်များ

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

2 SAMUEL 14:8

Khi tikah siangpahrang nih minu sinah cun, “Na inn ah va kal law nangmah kong ah nawlbia ka chuah lai,” tiah a ti.

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

JOB 12:11

Dang nih rawl cu a teh bantukin hna nih bia cu a hneksak ve hna lo maw?

JOB 34:3

Dang nih rawl kha a teh bantukin hna nih bia kha an hneksak ve hna.

PHUNGTHLÛKBIA 2:5

khi tikah Bawipa ṭihnak cu na hngalh lai i Pathian hngalhnak cu na hmuh lai.

PHUNGTHLÛKBIA 2:9

Khi tikah dinnak le biading cu na hngalh lai i miṭha mi hna lam kha na zulh lai;

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

EZEKIEL 45:8

Cucu Israel ram chungah a vo a si lai; Israel mi bawi hna nih ka mi hna cu an hrem bal ti hna lai lo, sihmanhsehlaw ram cu Israel mi kha an phun an phun cio ah an pek hna lai.

MIKAH 4:3

Amah cu miphun tampi hna biaceihtu kha a si lai i, Lam hlat pipi i a ummi miphun ṭhawngṭhawng hna karlak i biakhiaktu a si lai. Annih nih an vainam hna cu tuhmui ah an ser hna lai i an fei hna cu hlawhkawi ah an ser hna lai; Miphun pakhat nih miphun pakhat cungah a vainam kha a hler ti lai lo i, Raltuk zong kha an i cawnpiak ti lai lo;

LUKA 2:52

Cun Jesuh cu pum lei in siseh, fimnak lei in siseh, a hung ṭhang i Pathian hmai le minung hmaiah mithmai ṭha a hmu.

JOHAN 2:25

Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

JOHAN 7:24

Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.