ISAIAH 11:14 - Lai (Hakha) Common Language Bible 2006

¹⁴ Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

ISAIAH 11:14 ပူးပေါင်းရင်းမြစ်များ

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

ISAIAH 16:14

Cun atu cu aa thawh i, “Kum thum chung hrimhrim ah Moab rumnak cu a lo dih lai. A mi tampi hna chung khan tlawmte lawng an tang lai i cu hna cu a der a thawmmi an si lai,” a ti.)

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

ISAIAH 9:12

Nichuahlei in Siria nih, nitlaklei in Filistia nih, an ka an i aan i seh an duh hna. Cu ti a si na hmanh cun Bawipa cu a thin a dam kho lo i dantatnak pek awkah a kut cu aa samh ko rih.

JEREMIAH 40:11

Cu bantukin Moab ram le Ammon ram le Edom ram le ram dangdang i a ummi Judah mi hna zong nih khan, Babilon siangpahrang nih Judah ram chungah khan a tangmi a nganhta hna i Safan fapa Ahikam i fapa Gedaliah cu an ukbawi ah a ser ti kha an rak theih.

JEREMIAH 48:40

Bawipa nih hi bangin a ti: Zohhmanh, muvanlai nih a thla aa samh i a vun zuanhnawh bantuk khin, Moab cu miphun pakhat nih a zuanhnawh lai.

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

JEREMIAH 49:28

Babilon siangpahrang Nebukhadnezzar nih a teimi Kedar miphun le Hazor khua uktu bawi hna kong ah Bawipa nih a chimmi bia: Tho tuah u, Kedar cu tu tuah u, Nichuahlei mi Arab mi hna kha hrawk hna u.

EZEKIEL 25:14

Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.

DANIEL 11:41

Ram vialte lak i ram dawh cem zong cu a luhhnawh lai i minung thong tampi a thah hna lai. Edom ram le Moab ram le Ammon ram a tangmi tu kha cu an luat lai.

JOEL 3:19

Sihmanhsehlaw Izipt ram cu thetse ram ah a cang lai i Edom ram cu chuahtakmi ram, ram pakpalawng ah a cang lai; Zeicahtiah Judah ram kha hranhram loin an rak tuk i A chungah a sual lomi thisen kha an rak chuah hna.

AMOS 9:12

Edom ram a tangmi le ka min in auh a rak simi miphun vialte kha an co hna lai. Mah hihi Bawipa bia hrimhrim a si i amah nih cun a tuah lai.

HABAKKUK 1:8

An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

ZEFANIAH 2:5

Rili kam ram i khua a sami Kereth miphun hna, ngai tuah u, Bawipa bia cu nanmah ralchanh in chim a si cang; Filistin mi hna, nan ram cu ka tei lai i ka hrawh cikcek lai i a chungah ahohmanh um loin ka tuah lai;

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEFANIAH 2:9

Cucaah ka nunnak chalh in hi bia hi ka chim: Moab cu Sodom bantuk a si lai i Ammon cu Gomorrah bantuk a si lai, Belh pon, a thumi ram pon, zungzal ram car a si lai, tiah Bawipa, Israel Pathian nih a ti. Ka mi hna lak i a nungmi nih khan an ramh hna lai i Ka miphun chungin a tangmi hna nih khan an ram cu an co lai.

NAMBAR 24:17

Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

BIACEIHTU 6:3

Zeitintiah Israel mi nih thlaici an tuh fate Midian mi hna le Amalek mi hna le Nichuahlei mi hna nih an ra i an hung doh hna;