ISAIAH 10:6 - Lai (Hakha) Common Language Bible 2006

⁶ Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 10:6 ပူးပေါင်းရင်းမြစ်များ

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

2 SIANGPAHRANG 18:25

Cu hleiah hi hmun hi hrawh awk i ka hunhnawh tikah hin Bawipa hnatla loin maw a si? Bawipa nih cun pei a ka thawh i, “Hi ram hi hung kalhnawh law hung hrawk,” a ka ti cu, a ti,’ tiah va chim u,” tiah a ti hna.

ISAIAH 19:17

Ralkapbu Bawipa nih an umtuning ding an ca i a timhmi kha an hngalh chel paoh ah Judah mi kha an ṭih ngaingai hna lai.

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 41:25

“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 49:17

Nangmah an remh ṭhantu ding cu an ra dengmang cang, nangmah an hrawktu cu an kal zau lai.

ISAIAH 49:25

Bawipa nih hi bia halnak cu a leh i, “Cu bantukte cu a um laimi thil hi a si. Ralkap nih an tlaihmi hna thongtla cu an chuak lai i Bawi ṭhawng cu a hranchaw kha chuh a si lai. Nanmah an dotu hna paoh cu ka doh hna lai i nan fale cu ka chuah hna lai.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

ISAIAH 8:4

Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

EZEKIEL 29:20

Tair a doh man ah khan Izipt ram cu ka pek lai, zeicahtiah amah nih ka rian kha a ṭuan. Mah hihi Bawipa Pathian bia hrimhrim a si.

EZEKIEL 38:12

A rak rawkmi khuapi hna chung i a ummi hna kha ka ramh hna lai i an thil kha ka chuh hna lai, tiah naa ruah lai. Annih cu tunaite i miphun hna chungin pumh ṭhanmi an si i atu an thilri le saṭil hna he khan vawlei laifang lam tonnak ah an um.

EZEKIEL 38:13

Sheba mi hna le Dedan mi hna le Tarshish chawdawr hna nih an in thawh lai i, ‘Hi mi hna ramh awk le an thil chuh awkah maw na ralkap hna cu na pumh hna i annih cu na tuk hna? An sui le ngun kha lak i an saṭil le thilri kha i kalpi hna maw naa timh?’ an in ti lai.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

MATTHAI 15:7

Nannih mihrokhrawl hna. Nan kong Isaiah nih a rak chimmi hi a hmaan hringhran ko.