ISAIAH 10:34 - Lai (Hakha) Common Language Bible 2006

³⁴ Tupi chung thingkung kha hreitlung in an hau hna bangin annih cu Bawipa nih a hau hna lai i Lebanon tlang thing ṭha bikbik an tluk bangin an tlu lai!

ISAIAH 10:34 ပူးပေါင်းရင်းမြစ်များ

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

ISAIAH 10:18

Tupi ṭhaṭha le lo ṭhaṭha kha an rawk dih lai, thihnak tiang a tlunter khotu zawtnak nih mi a tlunhnawh bantuk khi a si lai.

ISAIAH 2:13

Lebanon tlang i a ummi sidar thingkung sang vialte hna le Bashan ram i a ummi kuhthing vialte hna cu a hau dih hna lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

JEREMIAH 22:7

Nangmah dotu dingah hriamnam he a um ṭhepṭhupmi bu, a rawl a ṭammi bu kha ka rak thlah lai. Na sidar thing ṭha bikbik hna cu an hau hna lai i Mei chungah an paih hna lai.

JEREMIAH 48:2

Moab minthannak cu a um ti lo. Heshbon ah a cung ṭhat lonak ding kha khua an khan: ‘Ra u law hrawk dih u sih, miphun si ti hlah seh,’ an ti. Nannih Madmen i a ummi hna zong tuk nan si lai i nan mi hna cu vainam nih a dawi hna lai.

EZEKIEL 31:3

Assiria khi zohhmanh, Lebanon tlang i sidar thing a rak si khah. Aa dawhmi a nge nih khan tupi chung thing kha a lonh hna i An cungah khan i hlorh vengvung in a um.

DANIEL 4:23

Cun maw siangpahrang, nangmah nih na zoh ko lioah cun, Cawngtu pakhat kha van in a rung ṭum i cu nih cun, “Thingkung kha hau u law hrawk u, sihmanhsehlaw a hmui kha cu vawlei chung i a hram hna he khan ngan u. Thir cikcin le dar cikcin khan khit u law lo ah khan rambur lakah khan kaltak u, vandap nih cin cikcek in tlak seh law kum sarih chung saram bantukin um seh,” a ti.

NAHUM 1:12

Hihi Bawipa nih a mi Israel mi hna sinah a chimmi cu a si; “Assiria mi cu ṭhawng in tam hna hmanh seh law an rawk lai i an lo lai. Ka mi hna, harnak kan inter hna, sihmanhsehlaw kan inter ti hna lai lo.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

2 PETER 2:11

Anmah nakin a ṭhawng deuh i a ngan deuhmi vancungmi hna hmanh nih khan Pathian hmaika i sual an phawt hna tikah nehsawh zawmhtaih in an ti hna lo.

BIAPHUAN 10:1

Cun vancung in a ṭhawngmi vanmi a dang pakhat a rung ṭum kha ka hmuh. Khuadawm in aa thuam i a lu ah chuncha aa khimh; a hmai cu nika bantuk a si i a ke cu mei tung pipi bantuk an si.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.