ISAIAH 10:26 - Lai (Hakha) Common Language Bible 2006

²⁶ Oreb lungpi ah Midian mi ka rak tuk hna bantuk khan keimah Ralkapbu Bawipa nih annih cu ka fung in ka tuk hna lai. Izipt ka rak hrem bantuk khan Assiria cu ka hrem lai.

ISAIAH 10:26 ပူးပေါင်းရင်းမြစ်များ

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

SALM 35:23

Bawipa, i hlau law ka chanh tuah; ka Pathian, tho law ka bia ka chimpiak tuah.

SALM 83:11

Oreb le Zeeb cungah na tuahmi bantuk kha an ralbawi hna cungah cun tuah ko; Zebah le Zalmunna na sunghter hna bantuk khan, an uktu bawi vialte cu sunghter ko hna;

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

ISAIAH 10:24

Bawipa Ralkapbu hna Pathian nih Zion i a ummi cu a thawh hna i, “Izipt mi nih an rak in hrem hna bantuk khan Assiria mi nih hin in hrem hna hmanh seh law, Assiria mi hi ṭih hna hlah u.

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 30:31

Assiria mi cu Pathian aw an theih tik le a dantatnak hmual kha an hngalh tikah a ther in an ther lai.

ISAIAH 30:32

Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

BIACEIHTU 7:25

Cun Midian bawi pahnih Oreb le Zeeb kha an tlaih hna; Midian mi an dawi pah hna ah cun, Oreb cu Oreb lung ah an thah i Zeeb cu Zeeb mitsur nennak ah an thah; cun Oreb lu le Zeeb lu cu Gideon sinah Jordan tiva ral ah an rak phorh hna.