ISAIAH 10:25 - Lai (Hakha) Common Language Bible 2006

²⁵ Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

ISAIAH 10:25 ပူးပေါင်းရင်းမြစ်များ

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

SALM 37:10

Luklak ah miṭhalo cu an lo ko lai, na kawl hna hmanh ah na hmu kho hna lai lo.

PHUNGTHLÛKBIA 22:8

Dinlonak thlaici kha na tuh ahcun harnak kha na zun lai i na rian theitlai cu fungfek kha a si lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 54:7

“Caan tawite chung cu kan kaltak, sihmanhsehlaw dawtnak thukpi he kan lak ṭhan.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

HAGGAI 2:6

Zeicahtiah ralkapbu Bawipa nih hitihin a ti: Hmailei caan tlawmte chungah van hna le vawlei le rili le vawlei ro hi ka hninh ṭhan hna lai.

HEBRU 10:37

Zeicahtiah Cathiang nih, “Tlawmpalte lawnglawng hnuah a ra dingmi cu a ra lai, a rau lai lo.