ISAIAH 10:24 - Lai (Hakha) Common Language Bible 2006

²⁴ Bawipa Ralkapbu hna Pathian nih Zion i a ummi cu a thawh hna i, “Izipt mi nih an rak in hrem hna bantuk khan Assiria mi nih hin in hrem hna hmanh seh law, Assiria mi hi ṭih hna hlah u.

ISAIAH 10:24 ပူးပေါင်းရင်းမြစ်များ

2 SIANGPAHRANG 19:6

Isaiah nih annih cu, “Nan bawipa sinah cun, ‘Hi bangin Bawipa nih: Assiria siangpahrang sal hna nih an ka zawmhtaihnak bia na theihmi caah na thinphang hlah.

EXODUS 14:9

Izipt mi nih cun an rangtum vialte he, Faro rangleng hna le a mawngtu hna le a ralkap hna he cun an dawi ciammam hna i rili kam i an riahnak Pi-ha-hiroth pawng Baal-zefon hmaiah khan an hei phak hna.

EXODUS 5:14

Faro sal uktu pawl nih khan Israel mi kuli khawng pawl, rian zohtu i an chiahmi hna cu, fung in an tuk hna i, “Zeicahdah hmasa i nan sermi zat tlakrawh kha nihin ah nan ser lo,” an ti hna.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ISAIAH 27:7

Israel kha Bawipa nih dan a tatmi cu, a ral hna a tatmi hna tluk khan cun a fak lo, minung zong a ral hna tluk khan cun an thi lo.

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

ISAIAH 30:32

Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

ISAIAH 37:6

hitihin a leh: “Bawipa nih, ‘Assiria mi nih an ka serhsat ruangah na zei hmanh rak poi hlah! an ti.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

MIKAH 5:5

Amah cu daihnak mi a si lai. Assiria mi cu kan ram chung i an rung luh tikah le Kan ralhau hna kha an baoh khawh hna tikah, Anmah dohtu dingah kan hruaitu a ṭhawng bikbik kha kan thlah hna lai.