ISAIAH 10:12 - Lai (Hakha) Common Language Bible 2006

¹² Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

ISAIAH 10:12 ပူးပေါင်းရင်းမြစ်များ

2 SIANGPAHRANG 19:31

Jerusalem le Zion Tlang ah a tangmi an um lai. Ralkapbu Bawipa ṭannak nih mah hi cu a tuah lai.

SALM 18:27

Mi toiah aa dormi cu na khamh hna i miruamkai cu na ṭhumh hna.

SALM 21:10

Siangpahrang nih an fale kha a thah dih hna lai i an tefa kha a nawn dih hna lai.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

SALM 76:5

An ralkap ralṭha pawl cu an hranchaw kha na chuh hna i atu cu thihnak hngilh in an i hngilh cang; an hriamnam a run hmangtu dingah a tangmi pakhat hmanh an um lo.

PHUNGTHLÛKBIA 21:4

Miṭhalo cu ruamkainak le porhlawtnak nih a uk hna i hihi sual a si.

PHUNGTHLÛKBIA 30:13

A ṭha hringhran i aa ruatmi zong an um, aize, a ṭha tuk hringhran ah khin pei an i ruah cu!

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 24:21

Bawipa nih cunglei ṭhawnnak le vawlei cung uktu hna kha dan a tat hna lai ni a phan lai.

ISAIAH 27:7

Israel kha Bawipa nih dan a tatmi cu, a ral hna a tatmi hna tluk khan cun a fak lo, minung zong a ral hna tluk khan cun an thi lo.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 5:15

An dihlak in ningzahnak an hmu lai i milungpuam vialte kha ṭhumh an si lai.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

ISAIAH 9:9

Israel mi vialte le Samaria khua chung i a ummi vialte nih cu bantukin a tuah cu an hngalh dih lai. Atu cu an i porhlaw i an lung a puam. An i thawh i,

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

JEREMIAH 50:18

Cucaah Ralkapbu Bawipa, Israel Pathian nih hi bangin a ti: Assiria siangpahrang dan ka tat bantukin Babilon siangpahrang le a ram cu dan ka tat lai.

JEREMIAH 50:32

Lungpuammi miphun cu a ril lai i a tlu lai, Amah a tungtu ding ahohmanh an um lai lo; A khua cu mei in ka khangh lai i a velchum i a ummi thil vialte cu a kangh dih hna lai.

EZEKIEL 31:10

Cucaah Bawipa bia cu hihi a si: Amah cu cu tluk sang in a ṭhan i thingkung dang hna cungah aa fon i a ṭhan pah in aa porhlawtnak kha a san chin lengmang caah,

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

NAMBAR 24:24

Sihmanhsehlaw Kittim in sangphawlawng an ra lai i Asshur le Eber kha an hrem hna lai i Amah zong rawknak kha a phan lai,” tiah a ti.

MATTHAI 12:33

“Thingkung cu a kung na ṭhatter ahcun a thei a ṭha, a kung na chiatter ahcun a thei a chia. Thingkung cu a tlai in hngalh khawh a si.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?