ISAIAH 1:8 - Lai (Hakha) Common Language Bible 2006

⁸ Jerusalem lawng a tang, cu hmanh cu ral nih an kulh dih — mitsur lo chung lo hngaktu thlam bantuk ceo a si, zil lo chung deu bantuk ceo a si cang.

ISAIAH 1:8 ပူးပေါင်းရင်းမြစ်များ

JOB 27:18

A sakmi inn cu sawmpalak bu bantuk a si i, Ralvengtu nih an sakmi deu bantuk a si.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 10:32

Ral cu nihin hrimhrim ah hin Nob khua ah an um i Zion Tlang, Jerusalem khua cu an kuttum an thinhnawh len ko.

ISAIAH 29:3

Khua cu Pathian nih a tuk lai, a kulh lai i a hren lai.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

ISAIAH 49:21

Cun nangmah le nangmah cu, ‘Aho nih dah mah hna hi a ka hrinpiak? Ka fale cu an rak thi cang i fa dang ka ngeih ti ṭung hna lo. Kei cu sal ah pei ka tan cu, mak pei ka si cang cu — hi fale hi aho nih dah a rak zohkhenh hna? Keimahte lawng pei an rak ka nganh kha — hi fale hna hi khuazei in dah an rat hnga?’ naa ti lai,” a ti.

ISAIAH 62:11

“Jerusalem khuami cu chim hna u law, Bawipa nan khamhtu cu a ra lio i a tlanhmi a mi kha a rak i ratpi hna, tiah vawleicung dihlak ah Bawipa nih a thanh i cucu miphun vialte nih an hngalh nakhnga hmelchunhnak pakhat in tar tuah u,” a ti tiah va ti hna u.

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

JEREMIAH 4:17

Keimah kha a ka doh caah, Ral nih a velchum in an kulh dih, tiah Bawipa nih a ti.

JEREMIAH 6:2

Zion fanu, a mui a ṭha i no cipcep tein a ummi cu a donghnak a nai ai.

ṬAHNAK HLA 2:1

Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

ZEKHARIAH 2:10

Cucaah nannih nih ralkapbu Bawipa nih a ka thlah kha nan hngalh lai. Fak piin au law i lawm tuah, maw Zion fanu, ka ra lio, nanmah lakah ka um lai, tiah Bawipa nih a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.