ISAIAH 1:27 - Lai (Hakha) Common Language Bible 2006

²⁷ Bawipa cu a din caah Jerusalem le aa ngaihchihmi paoh cu a khamh hna lai.

ISAIAH 1:27 ပူးပေါင်းရင်းမြစ်များ

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 35:9

Chiandeih zeihmanh an um lai lo, saram ṭihnung zeihmanh an i chawk lai lo. Bawipa nih a luattermi hna cu hi lam hin inn ah an tlung lai.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

ISAIAH 52:3

Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

ISAIAH 63:4

Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

HOSEA 2:19

Maw Israel, nangmah cu ka nupi ah kan lak lai i na cungah dinnak le zumhtlak in ka um lai; dawtnak fek le zaangfahnak dong lomi in kan dawt lai i Bawipa cu na ka hngalh lai.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.