ISAIAH 1:25 - Lai (Hakha) Common Language Bible 2006

²⁵ Atu cu kan tongh cang hna lai. Ngun an thianh bantukin kan thianh hna lai i nan thurhnawmhnak vialte kha ka thianh dih lai.

ISAIAH 1:25 ပူးပေါင်းရင်းမြစ်များ

SALM 119:119

Nang na mit hmuh ah cun vawleicung miṭhalo vialte hi hmunthur men an si dih, cucaah kei cu na nawlbia kha ka duh.

ISAIAH 1:22

Jerusalem, hlan ah cun ngun bantuk na rak si, sihmanhsehlaw atu cu zeihmanh man na ngei ti lo; zu thlum bantuk na rak si, sihmanhsehlaw atu cu na da cang.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

JEREMIAH 6:29

Sohor nih a chem i somei cu a vaam, Thiantertu nih khan thir dar cu a titter hna, Sihmanhsehlaw zeihmanh a ṭhahnem lo, zeicahtiah suan le dar le thir kha an i ṭhen hlei lo.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

JEREMIAH 9:7

Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

EZEKIEL 22:19

Cucaah hihi Bawipa bia an si: Nannih cu cawhmi ah nan i can caah

EZEKIEL 22:20

ngun le dar le thir le suan le canphio aa cawhmi hlumpi cu thir titnak um chungah mei in linh i titter awkah khumh a si bangin nannih cu Jerusalem khua ah kan pumh hna lai. Cuticun ka thinhun le ka thinlinh in kan pumh hna lai i khika ah kan chiah hna lai i kan tit hna lai.

EZEKIEL 22:22

Nannih cu thir titnak um chungah ngun an tit bantukin kan tit hna lai i nan cungah Bawipa nih ka thinhunnak ka langh kha nannih nih nan hngalh lai,” a ti.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.