ISAIAH 1:23 - Lai (Hakha) Common Language Bible 2006

²³ Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 1:23 ပူးပေါင်းရင်းမြစ်များ

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

PHUNGTHLÛKBIA 29:24

Mifir hawikom a simi cu amah le amah kha a ral cu a si ko, a hmaanmi kha a chim ahcun dantatnak a hmuh lai, a chim lo ahcun Pathian nih chiat a serh lai.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 1:22

Jerusalem, hlan ah cun ngun bantuk na rak si, sihmanhsehlaw atu cu zeihmanh man na ngei ti lo; zu thlum bantuk na rak si, sihmanhsehlaw atu cu na da cang.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

ISAIAH 65:2

Anmah duhnak lei paoh ah a kal i ṭhat lonak a tuah peng tu hna hi, ka za ka chanh zungzal ko hna.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

JEREMIAH 32:32

Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih ṭhat lonak an tuahmi in ka thin an ka phawh cang.

JEREMIAH 4:17

Keimah kha a ka doh caah, Ral nih a velchum in an kulh dih, tiah Bawipa nih a ti.

JEREMIAH 5:5

Cucaah mingan hna sinah ka kal lai i annih kha ka va chimh hna lai. Annih nih cun Bawipa lam kha an hngalh lai i An Pathian phungbia kha an hngalh lai,” ka ti. Sihmanhsehlaw annih zong nih Bawipa nawlbia kha an al i a bia kha ngaih duh loin an um ve.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

EZEKIEL 12:2

“Mipa, na umnak mi hi ralthawh hmangmi an si. Mit an ngei nain khua an hmu lai lo i hna an ngei nain khua an thei lai lo, zeicahtiah mi dohhmang an si.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

HOSEA 4:18

An zudin kha a dih in nu le pa sualnak kha heh tiah an tuah; upatnak nakkhan duh paoh tlon kha an duh deuh.

HOSEA 5:10

Bawipa nih aa thawh i, “Judah mi nih an unau hna an ram kha an fir caah ka thin a hung i an cungah dantatnak cu tilian bantukin ka tlunter lai.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

NAMBAR 22:7

Cucaah Moab upa hna le Midian upa hna cu an kut ah litin man i put in an kal i Balaam sinah an phan i Balak biacahmi cu an chimh.

MATTHAI 21:13

annih cu, “Cathiang chungah, ‘Pathian nih ka inn cu thlacamnak inn a si lai, a ti,’ tiah aa ṭial. Sihmanhsehlaw nannih nih cun mifir kua ah nan ser cang,” tiah a ti hna.

MARKA 11:17

Cun mizapi kha a cawnpiak hna i, “Ca Thiang chungah, Pathian nih, ‘Ka inn cu miphun vialte hna thlacamnak inn a si lai,’ a ti, tiah aa ṭial. Sihmanhsehlaw nannih nih cun mifir kua ah nan ser cang,” tiah a ti hna.

LUKA 19:46

“Cathiang chungah, ‘Pathian nih ka inn cu thlacamnak inn a si lai,’ a ti, tiah aa ṭial. Sihmanhsehlaw nannih nih cun mifir thuhnak kua ah nan ser cang,” a ti hna.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.