ISAIAH 1:16 - Lai (Hakha) Common Language Bible 2006

¹⁶ Thiang tein i kholh u. Nan tuah lengmang ka hmuhmi ṭhat lonak hi ngol hna u. Ṭhat lonak cu tuah ti hna hlah u law

ISAIAH 1:16 ပူးပေါင်းရင်းမြစ်များ

2 SIANGPAHRANG 17:13

Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

SALM 26:6

Maw Bawipa, ka sual lo langhnak caah ka kha kaa ṭawl i nangmah biak awkah na biakṭheng velchum ah kaa chawk.

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

SALM 37:27

Ṭhat lonak kha mertak u law ṭhatnak kha tuah u; cun hi ram chungah hin nan um zungzal lai;

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 25:5

Nannih nih lam ṭha lo nan zulhmi le thil ṭha lo nan tuahmi kha nan mertak ahcun, nan pupa hna sin le nanmah sinah Bawipa nih an pekmi ram ah hin zungzal in nan um lai;

JEREMIAH 26:3

Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

JONAH 3:8

Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

MATTHAI 3:8

Nan sualnak nan i ngaihchihnak cu nan theitlai in langhter ngat u.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

1 PETER 3:11

Chiatnak kha a mer tak lai i ṭhatnak kha a tuah lai; daihnak kha a kawl lai i a zulh lai.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.