ISAIAH 1:11 - Lai (Hakha) Common Language Bible 2006

¹¹ Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

ISAIAH 1:11 ပူးပေါင်းရင်းမြစ်များ

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 50:8

Nan ka pek zungzalmi raithawinak le khanghthawinak ruangah kan sik hna a si lo.

SALM 51:16

Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

ISAIAH 58:2

Ni fate in an ka biak i, na nawl kha kan zulh hna i ahmaanmi kha kan tuah hna, an ti. Thluachuahnak kan pe law a dingmi phunglam kan pe, an ti,” tiah a ti.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

JEREMIAH 7:21

Hitihin Ralkapbu Bawipa, Israel Pathian nih a ti: “Nan raithawinak ah nan khangh thawinak cu chap chin luaimai hna u law khangh awk a simi thawinak sa kha ei lawlaw ko hna u.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

AMOS 5:22

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

HAGGAI 2:14

Cun Haggai nih cun, “Bawipa nih, ‘Cu bantukin hi mi hna, ka hmaika i a ummi miphun le an kut nih a tuahmi rian vialte hi an si i an ka pekchanhmi hi a thiang lomi an si,’ a ti,” tiah a ti.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

NAMBAR 7:45

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

MATTHAI 22:4

Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.