HOSEA 9:4 - Lai (Hakha) Common Language Bible 2006

⁴ Midang ram ah cun Bawipa sinah mitsur hang thawinak kha an pechan kho lai lo, an raithawinak zong kha an pe kho lai lo. An raithawinak paoh kha ruakhngah camceh nih a thurhhnawmhtermi rawl bantukin an si lai. An rawl cu rawlṭam damnak ca lawngah a si lai, Bawipa biaknak inn ah kalpi a si lai lo.

HOSEA 9:4 ပူးပေါင်းရင်းမြစ်များ

EXODUS 29:40

Tuufa pakhatnak sinah cun changvut dip pawng hra, chiti pawng li he cawhmi kha nan thawi chih lai. Cun dinmi thawinak caah mitsur zu pawng li zong nan thawi chih fawn lai.

EXODUS 40:23

a cungah khan Pathian hmai hunmi changreu kha a hun hna, cucu Bawipa nih a chimhningte khan a si.

ISAIAH 57:6

Cu tiva kam cun lungmil tete kha nan lak hna i pathian ah nan biak hna. Zu le laksawng kha nan pek hna i rawl kha nan hunh hna. Hi ti nan tuahmi nih hin a ka lawmhter ko, ti ah maw nan ruah?

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 16:7

Mithi ngai hna cu an hna ngamter awkah ahohmanh nih rawl an dumpi hna lai lo i an nu le an pa nih an thihtakmi hna hmanh kha ahohmanh nih hnangamnak hrai kha an pe hna lai lo.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

EZEKIEL 24:17

Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.

EZEKIEL 24:22

Cun keimah nih ka tuahmi kha nan tuah lai, nan hmai kha nan i khuh lai lo i mithi ngaimi nih an ngaihmi rawl kha nan ei lai lo.

DANIEL 1:8

Daniel nih cun siangpahrang nih a ka pekmi rawl le zu hin kaa thurhhnawmh hrimhrim lai lo a ti i tilditmi bawi bik cu, cu bantuk cu ka tuahter hlah, tiah a nawl.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

HOSEA 7:16

Keimah kha santlailo pathian leiah an ka mertak. Liza a dormi bantukin santlailo an si. An hruaitu hna kha porhlaw ngaiin bia an chim caah vainam in an thi lai i Izipt ram nih an nihsawh hna lai.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JOEL 1:9

Biakinn chung i pekchanh awkah rawl siseh, mitsur hang siseh a um lo; Bawipa sinah a pechantu tlangbawi hna, ṭap tuah u.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

LEVITIKAS 17:11

Zeitintiah titsa nunnak cu thi chungah a um i nan nunnak ca i biakṭheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si.

LEVITIKAS 21:17

“Aaron sinah, ‘Na tefa hna lakah an tefa chin tiangin, dotlak lonak a ngeimi paoh nih cun a Pathian changreu pekchanhnak tuah awkah ra naih hlah seh.

LEVITIKAS 21:21

tlangbawi Aaron tefa hna lak in ahohmanh dotlak lonak a ngeimi nih cun, Bawipa sinah mei in pekchanhmi thil pekchanh awkah a rat awk a si lo; dotlak lonak a ngeih caah a Pathian ta a simi changreu cu pekchanh awkah ra naih hlah seh.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

AMOS 5:22

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

NAMBAR 19:11

“Miruak zeipaoh a tawngtu cu ni sarih chung thianglo a si lai;

NAMBAR 28:2

“Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

NAMBAR 4:7

Cun umcamcin changreu cabuai cungah cun a dummi puan an phah lai i a cungah pakan hna le rimhmui khanghnak kheng tete le kanto hna le thlet thawinak ca i awi-um hna cu an chiah hna lai; umcamcin changreu zong cu a cungah cun a um ve lai;

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

DEUTERONOMI 26:14

mithi ka ngaih lioah cheu hra cheu khat kha zeihmanh ka ei lo i, ka thianlo lioah a zeihmanh kha ka ṭhial lo i, mithi sinah a zeihmanh kha ka pechan lo; Bawipa ka Pathian aw kha ka ngaih i nangmah nih nawl na ka pekmi vialte ningin ka tuah cang.