HOSEA 9:2 - Lai (Hakha) Common Language Bible 2006

² Sihmanhsehlaw rawl siseh, oliv chiti siseh a za in nan ngei lai lo i mitsur hang kha a um lai lo.

HOSEA 9:2 ပူးပေါင်းရင်းမြစ်များ

GENESIS 50:10

Cun Jordan nichuahlei i a ummi Atad hmun, facang cilnak hmun kha an phak tikah khika ah ruak humhnak nganpi an ser i Josef nih a pa ruak cu ni sarih a suan.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

HOSEA 2:12

A duhtu hna nih an ka phalhmi a si tiah a timi mitsur ruang le theipi kung hna kha ka hrawh hna lai i Ramlak saram an tlonnak ramlak ah ka ser hna lai.

HOSEA 2:9

Cucaah rawl ṭuan caan ah ka rawl cu ka lak ṭhan hna lai i Mitsur hang nen caan ah ka mitsur hang cu ka lak ṭhan hna lai; A taklawng i khuhnak ding caah ka pekmi sahmul le la kha ka lak ṭhan hna lai;

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

HAGGAI 1:9

Nan kawlmi cu a tampi, sihmanhsehlaw nan hmuhmi cu a tlawm. Nan rawl ṭuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

HAGGAI 2:16

Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;