HOSEA 9:17 - Lai (Hakha) Common Language Bible 2006

¹⁷ Annih cu ka Pathian nih a hlawt hna lai, Zeicahtiah a bia kha an ngai lo, Annih cu miphun hna lakah mivakvai an si lai.

HOSEA 9:17 ပူးပေါင်းရင်းမြစ်များ

2 CHANRELNAK 18:13

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

NEHEMIAH 5:19

Maw ka Pathian, hi mi hna caah ka tuahmi thil vialte hi ka ṭhatnak ding caah ka hngalhpiak camcin ko.

SALM 31:14

Sihmanhsehlaw kaa bochanmi cu nangmah na si, maw Bawipa; nangmah cu ka Pathian na si.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

JEREMIAH 6:30

Annih cu ngun ek tiah ti an si, Zeicahtiah Bawipa nih a hlawt hna.

JEREMIAH 7:13

Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.

JEREMIAH 7:15

cun nan rualchan Efraim tefa vialte hna kha ka hlonh hna bangin, nannih zong ka mit hmuh lonak ah kan hlonh hna lai.

HOSEA 4:10

Annih nih an co awk a simi raithawinak sa kha an ei tikah an rawl a ṭam ṭhiamṭhiam ko lai. Tefa ṭha ngeihnak pathian kha an biak, sihmanhsehlaw keimah kha kaltak riangmang in pathian dang kha an zulh hna caah fa an ngei hlei lai lo,” tiah a ti.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

HOSEA 7:13

Ka sinin an tlau cang caah an cungah harnak tlung ko seh. Keimah kha an ka doh caah rawhralnak nih tlunhnawh ko hna seh. Kei nih cun chuah ka duh ko hna, sihmanhsehlaw keimah kong ah lih an chim.

AMOS 8:2

“Zeidah na hmuh, Amos?” tiah a ka ti. Cun kei nih ka thawh i, “Ṭhal caan thingthei a hminmi bawm pakhat,” tiah ka ti. Cun Bawipa nih cun a ka thawh i, “Ka mi Israel mi hna caah caan cu a hmin cang. Zeitikhmanh ah ka ngaithiam ṭhan ti hna lai lo.

AMOS 9:9

Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 7:35

Cucaah Judah upa hna cu pakhat le pakhat kha, “Khuazei ah dah kal aa timh hnga? Kan hmuh khawh lonak khuazei ah dah kal aa timh hnga? Grik mi khua pakhatkhat, Judah mi an umnak ah maw va kal i Grik mi hna cu va cawnpiak aa timh hnga?

LAMKALTU 3:23

Cu profet nih a chimmi bia a ngai lomi paoh cu Pathian mi hna sinin ṭhen a si lai i hrawh a si lai,’ a ti.

DEUTERONOMI 32:26

An ral nihsawh lai kha le An ral hna nih cun, “Kanmah kut nih a tei hna, Hi chungah hin pakhat hmanh Bawipa i a tuahmi a um lo,” Tiin an ti i an ruah sual lai kha ṭih hlah ning law cu, “Ka hei ṭhek dih cang ko hna hnga i Minung lakin anmah theihhngalhnak cu ka hloh dih ko lai,” Ka hei ti ko hnga,’ a ti.

DEUTERONOMI 4:25

“Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.

FILIPI 4:19

Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.