HOSEA 9:12 - Lai (Hakha) Common Language Bible 2006

¹² Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

HOSEA 9:12 ပူးပေါင်းရင်းမြစ်များ

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

JOB 27:14

Fa cu a ngeih ko hna lai, sihmanhsehlaw vainam in an thi lai; Cun a tefa hna cu rawlṭam in khua an sa lai.

JEREMIAH 15:7

Ka vamh hna i ram chung khua kip ah khan ka ṭhek hna; Annih nih an lam kha an hlawt duh lo caah an cungah ngaihchiatnak ka tlunter i ka mi cu ka hrawh hna.

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

ṬAHNAK HLA 2:20

Bawipa, run zoh law run hmu tuah; Hi bantukin na hremmi hi ahodah a si? Nu nih an paw theitlai, Him tein an hrinmi cu an ei ko hna lai maw? Tlangbawi le profet hna cu Bawipa hmunthiang chungah thah an si ko lai maw?

ṬAHNAK HLA 2:22

Keimah doh awkah ka ral hna cu, puai tuah awkah aa pummi bantukin, a kenkip in na auh hna; Bawipa thinhun ni ah cun pakhat hmanh an luat lo; pakhat hmanh an nung lo. Him tein ka hrinmi hna le ka cawmmi kha an dihlak in ka ral nih an hrawh hna.

HOSEA 7:13

Ka sinin an tlau cang caah an cungah harnak tlung ko seh. Keimah kha an ka doh caah rawhralnak nih tlunhnawh ko hna seh. Kei nih cun chuah ka duh ko hna, sihmanhsehlaw keimah kong ah lih an chim.

HOSEA 9:13

Chiandeih fano cu kah awk ding lawngah an hung chuah bangin, Efraim nih a fale hna cu sam awk ding caah a chuahpi hna lai.

HOSEA 9:16

Israel mi cu a hram a car i thei a tlai ti lomi thingkung bantuk an si. Fa an ngei lai lo, an ngeih hmanh ah an dawt ngaingaimi an fale hna cu ka thah hna lai.

MALAKHI 2:12

Hi thil a tuahmi hna paoh cu, umhmun khuar in khua a sami an si ah, a vak a vai lengmangmi an si ah, Ralkapbu Bawipa sinah pekchanhnak kha rak pu hna hmanh seh law, Bawipa nih Jakob umnak hmun in a ṭhawl hna lai.

NAMBAR 14:34

Ram kha nan hung ngiatthlai ni zat khan, ni sawm li, ni khat caah kum khat, nan ṭhat lonak kha nan in lai, kum sawm li, cun ka lunglawmh lonak kha zeidah a lawh ti kha nan hngalh lai,’ a ti.

NAMBAR 26:65

Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo.

DEUTERONOMI 28:18

Nan pum theitlai le nan vawlei theitlai le nan saṭil karhnak le nan tuurun fano hna cu chiat an tong lai.

DEUTERONOMI 28:32

Nan fapa hna le nan fanu hna cu miphun dang kha pek an si lai; chun nitlak in anmah ngaih ah nan mit hram fak in khua nan cuan lai, sihmanhsehlaw zeihmanh nan tuah kho ṭung lai lo.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

BIACEIHTU 4:16

Cun Barak nih rangleng hna le ralkap hna cu Harosheth-hagoiim tiang a dawi hna i Sisera ralkap vialte cu vainam in an thi dih; pakhat hmanh an tang lo.

1 SAMUEL 16:14

Bawipa thlarau cu Saul sin khan aa ṭhial i Bawipa sinin a rami thlarau ṭhalo nih amah kha awlok a chonh.