HOSEA 8:9 - Lai (Hakha) Common Language Bible 2006

⁹ Ramlak i a lemi laa bantukin an lung a ṭhawng i anmah tining lawngin kal an duh. Assiria kha bawmhnak va hal awkah an kal. Israel mi nih hin huhphenhnak hmuh awkah, miphun dang sinah khan an i zuar cang.

HOSEA 8:9 ပူးပေါင်းရင်းမြစ်များ

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

ISAIAH 30:2

Keimah hal hmasa loin Izipt ah an vung kal i bawmhnak an hal hna. Izipt nih kan huppheng seh ti an duh caah Izipt siangpahrang kha an i bochan.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

JEREMIAH 2:24

Ramlak ah amah lawngin a le i A phol tikah a hnar in pa rim a kawlmi bantuk na si! A duhnak ahcun aho nih dah an kham khawh lai? A kawltu hna nih khan an tha i batter len duh hna hlah seh; A phol thla ah cun fawi tein hmuh khawh a si ko lai.

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 12:2

Bawipa nih Judah cungah bia pakhat a ngei i Jakob cu a ziaza ruangah khan dantat aa tim; thil ṭhalo a tuahmi kha a lehrulh lai.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.