HOSEA 8:8 - Lai (Hakha) Common Language Bible 2006

⁸ Atu cu Israel hi dolh a si cang, miphun hna lakah a lo cang, man ngei lo a si cang.

HOSEA 8:8 ပူးပေါင်းရင်းမြစ်များ

2 SIANGPAHRANG 18:11

Assiria siangpahrang nih Israel mi cu Assiria ram ah a kalpi hna i Halah le Gozan ram tiva Habor ah le Media mi hna khua hna ah khan a chiah hna,

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 25:34

Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 51:34

Zion i a ummi hna nih, Babilon siangpahrang Nebukhadnezzar nih a kan ei i car dihlak in a kan dawp, Um lawng bantukin a kan toh. Rulpi bangin a kan dolh, Kan sa thawthaw in a paw cu a khahter i a kan luak.

ṬAHNAK HLA 2:16

Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:5

Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

ṬAHNAK HLA 4:2

Zion fapa sung hna khi zohhmanh hna, Hmasa ah cun sui thiang anmah khing an man, Atu tu ah cun ahopaoh nih hei sermi vawlei um tluk ceo an si.

ṬAHNAK HLA 5:2

Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

EZEKIEL 36:3

Cucaah chim law, hihi Bawipa Pathian bia an si, tiah ti: Nannih Israel tlang hna, miphun dang hna nih an in tlaih hna i an in uk hna tikah nan velchum in mi nih an in rial hna i an in lamhchih hna; nan min cu bia an chimnak kip ah khan an cem chih lengmang.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.