HOSEA 8:5 - Lai (Hakha) Common Language Bible 2006

⁵ Nan cawfa pathian cu an thu, maw Samaria; Ka thinhunnak cu an cungah a alh in a alh. Suallo tein an nun khi zeitik riamruam ah khin dik a hei si te lai.

HOSEA 8:5 ပူးပေါင်းရင်းမြစ်များ

2 CHANRELNAK 13:8

“Atu cu mi tampi nan si ca le Jeroboam nih pathian an serpiakmi hna sui cawfa kha nan sinah nan i chiah hna caah nannih nih David fapa hna kut chung i Bawipa pennak cu doh awkah nan ruah.

SALM 19:13

Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah; cu tikah ṭhatnak leiah mitling ka si lai i sualnak ṭihnung chungin ka luat lai.

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

MIKAH 1:7

A milem vialte cu den an si dih lai i a siasal vialte cu an dihlak in khangh an si lai; A siasal vialte cu hnawmpon ah ka ser hna lai. Hlawhhlannak man in a cawkmi an si i hlawhhlannak man ah an cang ṭhan lai.

LAMKALTU 7:41

Khi tikah khan pei cawfa mui in siasal pakhat an ser i raithawinak an pek i anmah lila nih an sermi conglawmhnak ca i puai an ser kha a si cu.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.