HOSEA 8:11 - Lai (Hakha) Common Language Bible 2006

¹¹ Sual thianhnak caah tiin Israel mi nih biakṭheng tam deuh an ngeih deuh paoh ah, sualnak hmun kha a karh chin lengmang ve a si ko!

HOSEA 8:11 ပူးပေါင်းရင်းမြစ်များ

JEREMIAH 16:13

Cucaah hi ram chung hin kan hlonh vurmar hna lai i nanmah zong nih nan pupa hna zong nih an hngalh bal lomi ram ah nan kal lai, khika ah chun zan in pathian dang hna kha an rian nan ṭuanpiak hna lai i nan cungah zaangfahnak zeihmanh ka ngei lai lo,’ a ti tiah na chimh hna lai.

JEREMIAH 17:1

Judah sualnak cu thir cafung in ṭial a si; an lungthin lungtlap cungah cun daimon zum in khenh a si i an biakṭheng ki hna ah cun anmah sual phawtu dingah suai an si.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

DEUTERONOMI 4:28

Cun khika ah thing le lung in sermi pathian, minung kut sermi, hmuh zong a hmu kho lomi, theih zong a thei kho lomi, ei zong a ei kho lomi, rim zong a hnim kho lomi cu nan biak hna lai.