HOSEA 7:5 - Lai (Hakha) Common Language Bible 2006

⁵ An siangpahrang puai ni ah bawi pawl cu zu an ri dih i Miruamkai rual hna sinah cun amah zong cu aa tel ve.

HOSEA 7:5 ပူးပေါင်းရင်းမြစ်များ

GENESIS 40:20

A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

1 SIANGPAHRANG 13:4

Cun Pathian mi nih Bethel biakṭheng a chimhnawhchanmi bia kha siangpahrang nih a theih tikah, Jeroboam nih cun biakṭheng cun a kut a hei samh i, “Tlai u,” tiah a ti. Cun a hei samhmi a kut cu a car i cucaah amah leiah a tum ṭhan kho ti lo.

SALM 1:1

Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

SALM 69:12

Zatlang lam ah ka kong an ka ceih i zuri nih hla an ka phuah

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

ISAIAH 28:1

Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

MATTHAI 14:6

Herod chuah ni ah Herodias fanute kha zapi hmaiah cun a lam i Herod cu a lung a ton hringhran.

MARKA 6:21

A hmanung bik ah Herodias nih caan rem kha a hmuh. Cu caan cu Herod chuah ni ah khan a si i Herod nih cun uknak lei a tlaitu bawi vialte hna le ralkap lei bawi hna le Galilee ram upa hna caah khan puai a tuah.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.