HOSEA 7:14 - Lai (Hakha) Common Language Bible 2006

¹⁴ Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

HOSEA 7:14 ပူးပေါင်းရင်းမြစ်များ

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 52:5

Atu ah Babilon ah cu bantuk ṭhiamṭhiam cun nan um; zeihmanh lo ruangah khika ah sal ah nan tang. Nanmah an uktu hna cu an i porhlaw i tluang an khawng, ka min cu an zawmhtaih thluangthluan ko.

ISAIAH 65:14

Lunglawm in hla an sa lai, sihmanhsehlaw nannih cu lungkuai in nan ṭap lai.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

ṬAHNAK HLA 2:18

Bawipa sinah cun lungriam tein ṭap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 13:9

Nannih Israel mi, nannih cu kan hrawh hna lai, aho nih dah an in bawmh khawh hna lai?

HOSEA 3:1

Bawipa nih a ka thawh i, “Bawipa keimah nih Israel mi hna cu pathian dang kha an bia hna nain le siasal pekchanhmi mitsur tlai car changreu thlum kha an duh nain ka dawt ṭhiamṭhiam ko hna bantukin, Va kal law midang nih an duhmi, va cung pa duh nu nu pakhat cu va daw tuah,” tiah a ti.

HOSEA 8:2

Annih nih keimah cu, kan Pathian na si an ka ti i annih cu, na mi kan si an ti,

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.

JEIM 5:1

Nannih mirum hna, ka bia hi ngai tuah u. Nan cung i harnak a tlung ding ruangah hin ṭap u law ai len tuah u.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.