HOSEA 6:7 - Lai (Hakha) Common Language Bible 2006

⁷ Adam ah ka biakamnak kha an hrawh, Khika ah an ka hlen.

HOSEA 6:7 ပူးပေါင်းရင်းမြစ်များ

GENESIS 3:11

Pathian nih cun, “Aho nih dah taklawng na si cu an chimh?” tiah a hal. “Ei hlah tiah kan timi thei kha na ei dahra?” tiah a ti.

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

JOB 31:33

Zapi congoih kha ṭih in ka minung hawi nihsawh kha ka phan caah Midang nih ṭhat lonak an tuahmi an thuh bangin ka thup bal maw? Ka sualnak cu keimah theih awk lawngah ka chia bal maw?

ISAIAH 24:16

Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

JEREMIAH 3:7

Mah hi vialte hi a tuah dih cun ka sinah a kir rua lai tiah ka rak ruah; sihmanhsehlaw a kir lo i a unaunu hlenhmang Judah nih cun mah cucu a hmuh ve.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

JEREMIAH 34:18

Judah le Jerusalem hruaitu hna nih khan, siangpahrang inn i bawi hna le tlangbawi hna le hi ram chung mi vialte hna he khan, cheu hnih ah an chuahmi cawtum a laifang i an kalnak in ka sinah biakamnak an tuah. Sihmanhsehlaw ka hmaika i biakamnak an tuahmi cu an hrawh i a chung i zulh awk hna cu an zul lo. Cucaah hi mi hna cungah hin, cawtum cung i an tuahmi kha an cungah ka tuah ve lai.

JEREMIAH 5:11

Israel innchungkhar le Judah innchungkhar cu, An pahnih in ka cungah zumh awk tlak lo hrimhrim in an um, tiah Bawipa nih a ti.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

HOSEA 5:7

Bawipa kha an rawi i a sinah zumhawktlak in an um lo; An fale hna cu amah ta an si lo; Cucaah an ram cu a rawk lai.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

ROM 5:14

Asinain Adam caan in Moses caan tiang thihnak nih mi vialte kha a uk dih hna; Adam nih Pathian nawlbia a buarnak thawngin a tuahmi sualnak bantuk a tuah lomi zong kha a uk ko hna. Adam cu a ra lai dingmi hmanthlak a rak si.

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

HEBRU 8:9

Izipt ram chungin an pupa hna cu chuahpi awkah an kut in ka rak hruai hna ni i an sin i ka tuahmi biakamnak bantuk kha cu, a si lai lo. Anmah he ka tuahmi biakamnak kha zei ah an rel lo caah annih cu zei ah ka rel ve hna lo,’ tiah Bawipa nih a ti.