HOSEA 6:6 - Lai (Hakha) Common Language Bible 2006

⁶ Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

HOSEA 6:6 ပူးပေါင်းရင်းမြစ်များ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

SALM 50:8

Nan ka pek zungzalmi raithawinak le khanghthawinak ruangah kan sik hna a si lo.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

ISAIAH 1:11

Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

JEREMIAH 22:16

Mirethei le misifak cungah khan bia ding tein a ceih, Cu nih cun keimah a ka hngalh kha a langhter a si lo maw, tiah Bawipa nih a ti.

JEREMIAH 7:22

Nan pupa hna cu Izipt ram in ka chuahpi hna tikah khan, khangh thawinak kong le raithawinak kong ah zeihmanh nawlbia ka pek ṭung hna lo, cu kong ah zeihmanh ka chim ṭung lo.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

HOSEA 2:20

Ka biakam kha ka zulh lai i nangmah cu keimah ta ah kan ser lai i nang zong nih na Bawipa ah na ka ser lai.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

MIKAH 6:6

Bawipa cu ka fuh tikah zeidah kaa put lai? Cungsang ah a ummi Pathian hmaiah zeitindah ka kun lai? Khangh thawinak le kum khat a timi cawfa hna he maw amah cu ka fuh lai?

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

MATTHAI 12:7

Cathiang nih, ‘Ka duhmi cu sa in tuahmi thawinak hi si loin zaangfahnak a si,’ tiah a timi kha a sullam rak hngal u law cu, a sual lomi kha sual nan phaw hna hnga lo;

MATTHAI 5:7

Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

JOSHUA 5:5

A chuakmi pa vialte kha cuarpar tan an rak si nain, Izipt ram i an chuah hnu ramlak i lampi ah a chuakmi vialte hna tu kha cu cuarpar tan lo an si.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

1JOHAN 3:6

Cucaah Khrih chungah a ummi paoh cu sualnak chungah khan an um peng lo; sihmanhsehlaw sualnak a tuah pengmi nih cun Khrih kha a hmuh zong an hmu bal lo i a hngalh zong an hngal bal lo.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.