HOSEA 6:5 - Lai (Hakha) Common Language Bible 2006

⁵ Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko:

HOSEA 6:5 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

1 SIANGPAHRANG 14:6

Sihmanhsehlaw innka i a vung luh i ke thawng kha Ahijah nih a theih tikah, “Rung lut tuah, Jeroboam nupi; zeicahdah midang bantuk naa siter? Zeitintiah nangmah ca i thawng chia ngai chim awk kha fial ka si.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

1 SIANGPAHRANG 19:17

Hazael vainam in a luatmi cu Jehu nih a rak thah hna lai; cun Jehu vainam in a luatmi cu Elisha nih a rak thah hna lai.

2 SIANGPAHRANG 1:16

cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 CHANRELNAK 21:12

Cun a sinah profet Elijah sinin ca pakhat a ra i, “Hi bangin, Bawipa, na pa David i a Pathian nih, ‘Na pa Jehoshafat lam kha na zulh hna lo i Judah siangpahrang Asa lam zong kha na zulh hna lo i,

JOB 15:30

Muihnak in a luat lai lo i meizik nih a nge kha a hrem dih hna lai i Thli nih a par kha a choih dih hna lai.

JOB 34:10

“Cucaah ka bia thei tuah u, nannih hngalhthiamnak a ngeimi hna, Pathian nih cun ṭhat lonak a tuah naisai lai lo i Lianngan Bik nih cun palhnak a tuah naisai lai lo.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 58:1

Bawipa nih, “Nan au khawh chungin au tuah u. Ka mi Israel mi cu an sualnak kha chim hna u.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 1:18

Nihin ah hin nangmah cu, Judah ram siangpahrang hna le bawi hna le tlangbawi hna le mi zapi hna he aa tawng dingah kan ser, kulhmi khuapi, thir tung le dar vampang bantuk na si lai.

JEREMIAH 13:13

Khi tikah na thawh hna lai i, ‘Hi bangin Bawipa nih a ti: Hi ram chung i a ummi vialte hna hi an rit hlan tiang, mitsur hang in ka khahter hna lai — bawiṭhutdan ah a ṭhumi siangpahrang David tefa hna, tlangbawi hna le profet hna le Jerusalem i a ummi vialte hna hi ka ritter hna lai.

JEREMIAH 23:29

Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?

JEREMIAH 5:14

Cucaah Bawipa Ralkapbu Pathian nih a ka chimhmi bia cu hihi a si: “Hi bia hi an chim caah, ka bia cu na kaa chungah mei ah ka canter lai i Hi mi hna hi thing ah ka canter hna lai i, mei nih cun a kangh dih hna lai.”

EZEKIEL 11:4

Cucaah annih kha chim hna, maw mipa, annih kha chim hna,” a ka ti.

EZEKIEL 3:9

Na cal cu ṭeklung nak hak deuh in ka ser lai. Ral thawh hmangmi si hna hmanh seh law zeitikhmanh ah ṭih hna hlah, zeitikhmanh ah na thin in phanter hna hlah seh,” tiah a ka ti.

EZEKIEL 32:18

“Mipa, Izipt le a mi hna kha ṭah hla lawh hna, Nangmah le miphun hna nu hna nih lawh hna u, Khor chungah a vung kalmi hna he cun tanglei vawlei ah ka vun kalpi hna lai.

EZEKIEL 43:3

A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

LAMKALTU 7:31

Moses cu a hmuhmi kha a khuaruah a har i cucaah naih tein va zoh awkah burbuk pawngah cun a va kal. Sihmanhsehlaw Bawipa aw tu kha a theih i,

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

EFESA 6:17

Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

BIAPHUAN 1:16

A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 2:16

Nan i mer lo ahcun nan sinah ka ra zau lai i ka kaa chungin a chuakmi vainam khan kha mi hna kha ka tuk sual hna lai.

BIAPHUAN 9:15

Vancungmi pali cu a thlah hna, annih cu hi suimilam thengte le hi ni thengte le hi thla thengte le hi kum thengte i minung vialte cheu thum cheu khat a thattu ding i rak timhlamhmi kha an si.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.

1 SAMUEL 13:13

Cun Samuel nih Saul cu, “Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

1 SAMUEL 15:32

Khi tikah Samuel nih, “Amalek mi siangpahrang Agag kha hika ah hin, ka sinah ratpi tuah u,” tiah a ti. Cun Agag cu a sinah cun thanuam ngaiin a ra. Agag nih cun, “Thihnak a khaatnak cu ka lonh cang ko hnga lo maw cu,” tiah a ti.

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.